Me hapjen e kufijve pas rënies së komunizmit, shumë shqiptarë emigruan drejt perëndimit me shpresën për të nisur një jetë të re, më të mirë, për ta dhe familjet e tyre.

Një prej shteteve me fluksin e madh të emigrantëve shqiptarë ishte edhe Greqia. Por shumë shqiptarë u përballën në shtetin fqinj me një racizëm brutal që siç e cilësojnë disa studiues, sponsorizohej, udhëhiqej dhe drejtohej nga mekanizma të shtetit grek, shrkuan Newsbomb.al.

Shumë prej këtyre sulmeve raciste përfunduan tragjikisht, me vdekjen e shqiptarëve, ndërsa autorët e krimeve nuk u dënuan kurrë, raporton Newsbomb.al.

Më poshtë është një listë disa prej rasteve të dokumentuara kur shqiptarët janë sulmuar apo vrarë në Greqi për motive raciste. Të dhënat janë mbledhur nga historiani arvanitas Aristidh Kola dhe i përkasin periudhës nga viti 1992 deri në 2010-ën, bazuar në arkivën e gazetës greke “Elefterotipia”.

147 shqiptarë janë vrarë gjatë kësaj periudhe në Greqi, një pjesë e madhe e tyre janë qëlluar për vdekje nga policia greke:

9 nëntor 1992 – Polici I.Seitaridis vret një shqiptar

27 dhjetor 1992 – Polici Dh.Janopulos vret një shtetas shqiptar

12 shtator 1993 – Polici A.Delas vret një shqiptar

9 mars 1994 – Polici N.Kunupakis vret një shtetas shqiptar

Në nëntor 1994 – Polici L.Karajanis vret një shtetas shqiptar

Në nëntor 1994 – I.Rigas vret shtetasin shqiptar pa asnjë arsye

Në shtator 1996 – Qytetari grek Theodoros Zanemas vret një djalë të ri shqiptar se po tentonte të vidhte biçikletën e djalit të tij

Në tetor 1996 – Gjykata në Florinë shpall të pafajshëm shtetasin grek Athanasio Fotopulos, i cili vrau shqiptarin Qazim Bikli. Gjykata liron edhe një polic që kishte lidhur me litar pas motorit e tërhoqi zvarrë në qytet një tjetër shqiptar.

Në nëntor 1996 – Polici Dimitris Spiropuli vret me armë zjarri në Katerini të Selanikut shqiptarin Jani Noka. Polici u la i lirë me arsyen se arma ishte shkrepur vetë.

Në dhjetor 1996, shtetasi grek Lefteris Kakulidhis vret një shqiptar që po qëndronte në një kafene.

Në prill 1997 – Policia greke hap zjarr ndaj një kamioni me emigrantë shqiptarë dhe vret dy prej tyre.

Në shtator 1997 – Në fshatin Paramithi në Janinë, shtetasi grek Lambro Dhimu vret 13-vjeçarin shqiptar Adriatik Dominiku dhe plagos 16-vjeçarin Miljan Llapi.

Në dhjetor 1997 – Gjykata në Kozani shpall të pafajshëm policin Miltiadhis Andreopulos, i cili kishte vrarë një 14-vjeçar shqiptar.

Në prill 1998 – Në Selanik, polici Jorgo Amaxidhi qëllon me pistoletë pas koke adoleshentin shqiptar Niko Leonidha duke e lënë të vdekur në vend.

Në prill 1998 – Gjykata në Larisa dënon me dy vite burg (më pas lihet i lirë me kusht) grekun Anasthasios Matos, i cili në qershor të 1993 kishte qëlluar për vdekje nëj shqiptar pasi i kishte vjedhur një shalqi nga kopështi i tij.

Në maj 1998 – Një shtetas grek plagos dy adoleshentë shqiptarë për arsye raciste, gjykata e shpall të pafajshëm.

Në shkurt 1998 – Gjykata në Athinë shpall të pafajshëm tre policë dhe një shofer taksie për keqtrajtim dhe torturë ndaj shqiptarëve në 1993 në Amfiklea.

Në tetor 1998 – Gjykata shpall të pafajshëm një 17-vjeçar grek për vrasjen e dy shqiptarëve.

Në janar 1999 – Një shtetas grek qëllon me armë në fshatin Egjio dhe plagos djalin e tij, pasi e ngatërroi për shqiptar.

Në nëntor 1999 – Gjykaya në Janinë dënon grekun Jorgo Hroxopulos, i cili në natën e Vitit të Ri vrau tre shqiptarë pasi i kërkuan paratë e punës që kishin kryer. Vrasësi preu me sharrë trupin e njërit prej tyre për të zhdukur gjurmët.

19 qershor 1999 – Një shqiptar vritet në Kedhica për motive raciste.

Në gusht 2000 – Policia vret një shqiptar pas dyshimeve se kishte drogë. Nga kontrolli nuk iu gjet asgjë e dyshimtë.

15 Mars 2005 – Vritet me thikë në një lokal në Athinë 26-vjeçari Ilir Frroku. Ai u qëllua për vdekje nga një shtetas grek se po këndonte shqip.

1 janar 2006 – Babë e bir grekë masakrojnë me thikë në gjumë 18-vjeçarin shqiptar Edison Jahja. Të dy shpallen të pafajshëm.

Kjo është vetëm një pjesë e listës së gjatë të vrasjeve për motive raciste të shqiptarëve në Greqi. Autorët nuk janë dënuar apo kanë marrë dënime minimale dhe janë lënë të lirë. Këto janë ngjarje të dokumentuara në mediat greke. Shumë vrasje të tjera janë ende edhe sot mister. E ndërsa sulmet raciste ndaj shqiptarëve janë qindra-mijëra.