Lëvizja për Universitetin ka publikuar një studim në të cilin tregon se kostot për një student shkon mesatarisht në 2.4 milionë lekë për pesë vite, teksa të ardhurat mujore të një familjeje shkojnë në 73 mijë lekë.
Duke u bazuar në këto të dhëna, familjet shqiptare renditen ndër të fundit sa u përket të ardhurave për frymë, por pavarësisht kësaj nuk kursehen kur bëhet fjalë për tu siguruar fëmijëve shkollën e lartë.
Kostoja e studimeve llogaritet në 17 % e të ardhurave të një familje, rreth 4 milionë lekë (të vjetra) për një fëmijë të vetëm.
Në një takimi të zhvilluar në Fakultetin e Shkencave Sociale, studentët ngritën shqetësimin e tarifave të pa përballueshme duke kërkuar nga universitetet reduktim të tyre.
Vendi ynë rezulton një nga vendet me tarifat më të larta në Evropë. Ndërsa në shtete të be kosto është shumë herë më e ulët krahasuar me të ardhurat. Madje dhe mbështetja me bursa është më e lartë.
