Deputetë të PD janë nisur për në Komisariatin 6, ku është i ndaluar nga policia protestuesi që mbante sot megafonin në protestën e banorëve të zonës së Unazës së Re.

Policia e Tiranës, me veprimet të turpshme dhe aspak ligjore, ka vënë në jetë skenarin e Edi Ramës, se nëse proteston për të drejtën tënde të vihen prangat.

Kjo ka ndodhur edhe ditën e sotme, pasi policia në vend që të dilte në mbrojtje të protestuesve ka dalë në mbrojtje të hajdutëve, duke arrestuar protestuesin që mbante në dorë megafonin.

Kjo është fytyra e vërtetë e Policisë së Shtetit, dhe të shtetit të Edi Ramës, i cili të vetmen gjë të di të bëjë me mirë është të bashkëpunojë me kriminelët në dëm të qytetarëve.

Kjo është shfaqja me e turpshme e Policisë së Shtetit.