Një plagosje me thikë është regjistruar mbrëmjen e djeshme në Vlorë.

Ngjarja ka ndodhur rreth orës 18:00, në lagjen "28 Nëntori" pas Postës, ku shtetasi Marius Pajo 20 vjeç dyshohet se ka plagosur me thikë shtetasin B.G, 34 vjeç, banues në fshatin Fitore.

I dëmtuari ndodhet i shtruar dhe po merr mjekim në Spitalin Rajonal Vlorë.

Nga hetimet e kryera dyshohet se ngjarja ka ndodhur si pasojë e konfliktit të çastit midis tyre për motive të dobëta.

Policia ka bërë të mundur arrestimin e autorit të ngjarjes, Marius Pajo, ndërsa lidhur me këtë ngjarje blutë e Vlorës kanë bërë me dije se materialet hetimore i janë referuar Prokurorisë për veprën penale "Plagosje e rëndë me dashje".