Në orët e para të mëngjesit të kësaj të premteje, një lokal në lagjen “Partizani” në Elbasan u sulmua me një granatë.

Në momentin kur granata është hedhur nga persona ende të paidentifikuar, në brendësi të lokalit qëndronte pronari, 32 vjeçari Albert Alterziu. Granata është hedhur pikërisht në vendin ku ndodhej i riu, i cili ndodhet në gjendje të rëndë shëndetësore në spital.

Me raportimin e lajmit nga ana e policisë, kanë dalë në dritë dhe disa nga detajet e të kaluarës së 32 vjeçarit.

Alterziu në moshën minorene ka kryer një vrasje për të cilën dhe është dënuar me burgim. I riu ka vrarë një 15 vjeçar me emrin Elton Shuli kur vetë ka qenë në këtë moshë. Për vrasjen ai është dënuar me 10 vite burgim dhe ka bërë 7 nga ato.

Pista kryesore e hetimit mbetet një hakmarrje e mundshme e personave që i kanë hedhur granatën në lokal.

Më poshtë disa nga fotot e lokalit të sulmuar me granatë këtë të premte.