Shoqata e ish - të dënuarve politike dyshon se gjurmët e një varri masiv janë zbuluar në Gjirokastër.

Bëhet fjalë për ekzistencën e një varri masiv në këmbët e kështjellës së qytetit, aty ku janë pushkatuar, vrarë dhe varrosur ish të dënuarit politit të diktaturës.

Ky mendohet se është një nga varret më të mëdhnj, pasi mendohet se janë groposuar me dhjetëra ish të dënuar politik, që kanë vuajtur dënimet në burgun e "7 penxhereve" në gjatë viteve 44-67.

Kryetari i Shoqatës Antikomuniste të të Përndjekurve Politikë Nebil Çika, ka bërë apel për vullnet politik me qëllim fillimin sa më parë të punës për gjetjen e eshtrave të ish të përndjekurve politik, të egzekutuar në burgun famëkeq të Gjirokastrës dhe groposur në një varr të vetëm masiv.

Kreu i PD në Gjirokaster, Roland Bejko tha se do t'i kërkohet bashkisë së qytetit që vendi i torturave dhe krimit komunist të bëhet pjesë e peligrinazheve që të gjithë të njihen me krimet komuniste.