Koncesionet janë një rrezik i shtuar dhe konkret për ekonominë. Ky konstatim është bërë nga të gjithë ekspertët e ekonomisë si dhe grupet e interesit dhe së fundmi apel ka bërë dhe Guvernatori i Bankës së Shqipërisë.

“Qeveria duhet të bëjë kujdes të shtuar në lidhjen e kontratave koncesionare, për të mos pasur surpriza që ndikojnë në rritjen e nivelit të borxhit, si dhe të ecet në raport me prioritetet strategjike”. Ky ka qenë rekomandimi kryesor i Guvernatorit të Bankës së Shqipërisë, Gent Sejko lidhur me projektbuxhetin e vitit 2019.
Guvernatori Sejko ka kërkuar të bëhet një ekspertizë të saktë dhe sipas standardeve ndërkombëtare në mënyrë që efektet të jenë të mirë llogaritura, ndërsa rekomandon që të ulet niveli i shpenzimeve. Rekomandimet e Guvernatorit u dhanë gjatë mbledhjes së Komisionit të Ekonomisë dhe Financave, ndërsa pritet që ditën e Martë  projekt buxheti të miratohet në parim.