Gjermania heq vizat, por Ministria pengon mjekët për të emigruar

E mërkurë, 21 November 2018 21:03

Një marrëveshje mes Ministrisë së Shëndetësisë dhe Urdhrit të Mjekut duket se po ndalon mjekët që duan të shkojnë në Gjermani. Certifikata e sjelljes së mirë, ndër dokumentet kryesore për mjekët që shkojnë jashtë, është vendosur të mos jepet më nga Urdhri i Mjekut për personat që janë në kontratë pune, duke penalizuar kështu punësimin e mjekëve jashtë vendit.

Një kontratë pune, bëhet shkak që mjekët të mos shkojnë më drejt Gjermanisë.

Urdhri i Mjekut ka vendosur të mos lëshojë certifikatën për sjelljen e mirë për të gjithë ata që janë në marrëdhënie pune.

Një dokument i tillë më parë lëshohej pa e patur si kusht kontratën, por duket se kjo mënyrë është menduar si zgjidhje për të ndaluar hemoragjinë e mjekëve jashtë vendit.

Certifikata e sjelljes së mirë është ndër dokumentet kryesore që i nevojitet mjekëve për të shkuar në Gjermani apo në vende të tjera për punësim.

Më herët Ministria e Shëndetësisë njoftoi se do të merren masa në përmirësimin e kushteve për mjekët, duke përmendur edhe rritjen e pagave, por jo penalizimeve.

Ky kusht për mosdhënien e dokumentit kryesor për largimin dhe punësimin e mjekëve jashtë vendit, duket se do të mbajë peng shumë prej atyre që kanë planifikuar apo nisur procedurat për largim.

Ndërkohë, referuar të dhënave më të fundit, nga 240 mjekë që janë diplomuar këtë vit, mbi 100 prej tyre kanë synimin e punësimit jashtë vendit.

Çdo vit nga Shqipëria largohen rreth 150 mjekë, ndërsa në Gjermani, vitet e fundit janë punësuar 520 mjekë

Lajmet e fundit

Ç’ndodh me portin e Durrësit/ Media gjermane: Kompania fiktive dhe lidhjet e errëta

Politikë

Ç’ndodh me portin e Durrësit/ Media gjermane: Kompania fiktive dhe lidhjet e errëta

  “Përshkallëzohet drama në portin e Durrësit. Detaje të reja mbi kompaninë fiktive kroate dhe lidhje të mundshme kriminale”. Me këtë titull e përditshmja gjermane “Focus Online” i ka kushtuar vëmendje...

'Rinia iku, kryehajduti godet pensionistët', Hajderasi: Ku e gjeni buxhetin për kupolën tuaj kriminale?

Politikë

'Rinia iku, kryehajduti godet pensionistët', Hajderasi: Ku e gjeni buxhetin për kupolën tuaj kriminale?

  Nga Rruga e Shpresës, në tubimin qytetar, anëtarja e FRPD, Alda Hajderasi tha se Edi Rama, pasi largoi rininë, ka filluar të godasë ata që kanë ngelur, pensionistët. SPAK pse nuk...

'Takimi me shqiptarët në Londër', Lela: Atdheu që keni lënë, nuk është ai që Edi Rama dhe Taulant Balla ju paraqesin

Politikë

'Takimi me shqiptarët në Londër', Lela: Atdheu që keni lënë, nuk është ai që Edi Rama dhe Taulant Balla ju paraqesin

  Shqiptarët që jetojnë në Britaninë e Madhe i janë përgjigjur masivisht ftesës së bërë nga kryetari i PD-së, Sali Berisha për një takim në Londër.  Drejtori i komunikimit në PD, Alfred...