Ministri i Brendshëm Sandër Lleshaj përshëndeti në veprimtarinë "Siguri, Inovacion, Progres", të zhvilluar në sheshin 'Nënë Tereza', me rastin e shtimit në flotën e Policisë së Shtetit të 134 mjeteve të reja.
Në këtë event mori pjesë edhe Kryeministri Rama, deputetë të Kuvendit, përfaqësues të trupit diplomatik dhe drejtues të lartë të Policisë së Shtetit.
Por në fjalën e tij, Ministri i Brendshëm ka folur për pabesi.
“Dy ditë më parë forcat e policisë u përballën me agresivitet absurd dhe të pabesë.
Qytetarët dhe moshatarët e Ina Nukës, te policia jonë duhet të shohin forcën tonë.
Ne mbajmë me taksat tona policinë që të përballet me kriminelët.
Për reflektim ftoj dhe përfaqësues të caktuar politikë që nuk duhet të rreshtohen përballë policisë, por vetëm në krah të saj’, tha Sandër Lleshi sot duke folur për herë të parë si ministër i Brendshëm.
