Ljefen Veliaj, gjithnjë estradesk me veprimet e tij, është pararoja e propagandës sovjetike të Partisë Socialiste. Këtë herë po udhëheq fushatën te unaza e madhe. Erioni edhe kur flet për 17 nëntorin edhe kur nxjerr zë për 29 nëntorin e Enverin, e lidh me punimet te unaza e re. Në masat agjitative për të çoroditur popullsinë, Veliaj si udhëheqësi dikur zgjodhi të bënte një vizitë te populli që strehon bashkia. Madje kishte blerë edhe një tortë. Kamera ishte brenda shtëpisë së banorit, kur trokiti Erion Veliaj. Kamera nuk ishte e fshehtë. Operatori i bashkisë ishte futur brenda e po priste kryetarin. Vizita quhej e papritur, por operatori ishte brenda. U fut kryetari me tortë. Takon familjarët. Ky që i kishte firmosur hyrjen në shtëpi, nuk i dinte as emrin. Kryetari pyet për hallet e tregon se e ka lënë pa gjumë fëmija i vogël. A thua se ka njeri që nuk e di sa i shqetësuar është ky e sa po e rrit fëmijë me halle. Në mbyllje të mandatit të tij si kryetar i bashkisë, Veliaj nuk do mbahet mend veçse për lëmshin që i krijoi qytetit dhe shfaqjen si njeri i mashtrimit publik nëpërmjet propagandës.