Kryedemokrati Lulzim Basha është sot me protestuesit e Unazës së re. Ai shprehu admirimin për qëndresën e tyre por edhe shtimin e protestave si ato të studentëve apo edhe banorëve të Shkozës dhe Bulevardit të Ri. Ai i bëri thirrje protestuesve të vazhdojnë të mbeten të bashkuar se siç tha ai, beteja kështu do të fitohet.

“Edi Rama ka kohë që e ka kaluar vijën e kuqe dhe u ka hyrë shqiptarëve në birxh. Shic e shikoni protesta po shtohet nga nata në natë. Dje iu bashkuan gazetarët. Këtu duhet të jemi të gjithë, edhe ata që nuk i janë bashkuar akoma.
Këtu është mega vjedhja e agait të surrelit. Dua të shpreh admirimin tim për këto nëna, fëmijë, gjyshë e gjyshe që po qëndrojnë për më shumë se një muaj. Edri Rama dhe Veliaj kanë bërë gjithçka për ti përçarë, por nuk ia kanë arritur.
Sot kemi parë që u ngritën edhe studentët për një kërkesë
Kjo është një revoltë e cila po shpërthen. Kam një mesazh sot për protestuesit e Unazës , për studentët që kështu së bashku beteja do fitohet. Mos u dorëzoni se beteja do të fitohet. Të gjithë ndjehemi më të fortë, çelësi i vetëm të vazhdojmë të mbetemi të bashkuar” tha Basha.