Protesta e sotme e studentëve ka shkaktuar debat mes ministres së Arsimit Lindita Nikolla dhe pedagogut Edmont Tupe.
E ftuar në emisionin ‘Open’, ministrja Nikolla ka thënë se studentët kanë të drejtë dhe duhet të dëgjohen.
Por i menjëhershëm ka qenë reagimi i Tupes, i cili i kërkoi publikisht Nikollës se ajo duhet të jepte dorëheqje dhe se duhej t’i bashkohej protestës.
“Unë jam për arsimin falas, le t’i gjejë ku të dojë shteti paratë. Me studentët nuk duhet të tallesh. Del VKM-ja, pastaj zbutet, tani thonë që iku VKM-ja…Studentët lodhen në punë, fitojnë pak dhe vijnë pastaj për master në darkë. Unë i them zonjës Nikolla se humbi një rast për të hyrë në histori. Unë në vend të saj do të kisha marrë guximin dhe do të kisha dhënë dorëheqjen për t’u bashkuar me protestuesit”, deklaroi Tupja në ‘Open’.
