Nga Kastriot Dervishi

Organizata Politike, deri në nxjerrjen haptazi të udhëheqësit të saj shpirtëror dhe ideologjik, Enver Hoxhës, propagandon trashëgiminë politike të Karl Marksit, Antonio Gramshit dhe Roza Luksemburgut. Portretet e tyre shoqërojnë aktivitetet, ndërsa literatura konsultohet vazhdimisht.kjo strategji shtë e qartë për të mos u neveritur qysh në fillim të aktivitetit të tyre. OP orientohet nga parimet e luftës së klasave. D.m.th., i deklasuari, armiku i klasës mbetet i godituri nr.1. Nga vjen kjo? Karl Marksi (1818 – 1883), frymëzues i Internacionales së Parë të Punëtorëve (1864-1876), studioi klasat dhe parimin e luftës së klasave, duke vendosur konceptin e diktaturës së proletariatit:

-Me vendosjen e pushtetit popullor dhe të diktaturës së proletariatit, qëllim i vërtetë ishte zhdukja e klasave nëpërmjet shpronësimeve e kthimit të mjeteve të prodhimit në pronë të përbashkët, natyrisht duke asgjësuar “armiqtë e klasës”. Kjo quhet faza socialiste.

-Faza e dytë është kalimi nga socializmi në komunizëm. Këtu nuk ka më klasa, sepse diktatura i ka zhdukur.

Në vitin 1847 Marksi dhe Engelsi nxorën Manifestin e Partisë Komuniste.  Edhe OP e ka për shumë zemër fjalën “manifest”. Kushdo pra mund të shohë se si u zbatuan në Shqipëri konceptet marksiste të luftës së klasave, një terrorizëm i pastër i një grupi njerëzit kundrejt shtresave të ndryshme të popullsisë. Por në mënyrë të shkurtuar, po paraqes edhe dy biografi të dy figurave që frymëzojnë OP-në.

-Roza Luxenburg (1871-1919) ishte teoricienë marksiste, e cila ndryshoi disa parti gjithë jetën e vet nga Polonia në Gjermani, për të përfunduar në Partinë Komuniste Gjermane. Ishte “përfaqësuese aktive e lëvizjeve të punëtorëve” para Luftës së Parë Botërore. U vra në Berlin teksa ishte në përpjekje për të bërë sovjetike Gjermaninë.

-Antonie Gramshi (1891-1937), ish sekretar i Partisë Komuniste Italiane (një ndër agjenturat e Bashkimit Sovjetik në Perëndim), mbahej për filozof marksist. Me emrin e tij, në vitin 1943, brenda brigadës së parë komuniste, u formua një batalion ushtarësh italianë, të cilët goditën me artileri popullsinë civile të Vermoshit në vitin 1945.

Përveç këtyre, përdorin edhe figurën e Qemal Stafës, si dhe një pjesë hartimi të tij, në fakt i frymëzuar nga një shkrimtar i huaj, e cila nis me fjalët “e vjetra shembet...”. Si duket, komunistët nuk e kuptojnë ende se e vjetra është pikërisht komunizma e tyre. Cili është synimi i OP-së? Për këtë mjafton t’i referohemi një posteri me rastin e 1 majit. Shihni origjinalin (poshtë) dhe paraqitja në Shqipëri me rastin e ditës së proletariatit, 1 majit. Në origjinalin komunist, prej të cilit frymëzohet OP shkruhet “Grushti që do sundojë botën, një bashkim i madh”. Komunist bëjnë thirrje për bashkim pra, për të rrëzuar rendin kapitalist, e për të vendosur një rend të cilin populli shqiptar i jetoi për 50 vjet, së bashku me Spaçin, Burrelin, etj, sigurisht të shoqëruar me ushqimin me triska, rreckat në trup dhe izolimin nga gjithë bota.