Katër persona janë plagosur si pasojë e një aksidenti të ndodhur pasditen e sotme në aksin Elbasan-Tiranë.

Mësohet se aksidenti ka ndodhur afër tunelit të Krrabës në Bradashesh dhe janë përfshirë dy automjete të cilat janë përplasur “kokë më kokë”.

Tre prej të plagosurve sipas burimeve zyrtare ndodhen në gjendje të rëndë, ndërsa një person tjetër ka plagë të lehta.

Të 4 të aksidentuarit u transportuan me tri autoambulanca në spital, ndërkohë që policia po heton shkaqet dhe rrethanat në të cilat ndodhi aksidenti.