Targat e Provës do të jenë së shpejti me regjistër të veçantë dhe në sistem. Lajmin e ka bërë të ditur Drejtoria e Përgjithshme e Shërbimeve të Transportit Rrugor, përmes një njoftimi zyrtar. Sipas DPSHTRR-së aplikimi dhe ndjekja online e procedurës po bëhet me qëllim shmangien e vonesave dhe abuzimit.
Ndërsa ka shtuar se për këtë proces do të punohet në koordinimin edhe me Policinë Rrugore si edhe me Autoritetin e Mbikëqyrjes Financiare.
“Së shpejti TARGAT e PROVËS do jenë me regjistër të veçantë dhe në sistem. Aplikimi e ndjekja online e procedurës për shmangie vonese e abuzimi. Qartësi e transparencë për akordimin e tyre, disiplinim e kufizim brenda juridiksionit rajonal, koordinim me Policinë Rrugore e AMF!”, thuhet në njoftimin e DPSHTRR-së.
