Komisioni Qendror i Zgjedhjeve pritet të miratojë në mbledhjen e 26 dhjetorit 2018 edhe masën e shpërblimit të komisioneve zgjedhore që do të angazhohen në procesin e ardhshëm zgjedhor që mbahet me 30 qershor 2019.

Referuar projektvendimit, kryetarët dhe zëvëndëskryetarët e KZAZ-ve(Komisioneve Zonale të Administrimit të Zgjedhjeve) do të shpërblehen në vlerën 65 mijë lekëve, anëtarët dhe sekretarët e KZAZ-ve në masën e 60 mijë lekëve. Krerët e KQV-ve (Komisioneve Qendrave të Votimit) do të shpërblehen me 4 mijë lekë ndërsa anëtarët dhe sekretarët e tyre me 3 mijë e 500 lekë. Anëtarët e grupeve të numërimit të votave do të shpërblehen në vlerën e 6 mijë lekëve.