Sipas MeteoAlb masat ajrore me origjinë polare do të kushtëzojnë në territorin shqiptar alternime kthjellimesh dhe vranësirash të dendura.
Më të dukshme ato do të jenë në pjesën e dytë të ditës në zonat verilindore dhe në zonat juglindore, duke sjellë reshje dëbore gjatë natës.
Temperaturat e ajrit do të pësojnë një rënie të ndjeshme në pjesën e parë të ditës deri në mesditë duke bërë që vlerat ekstreme të variojnë nga -6 në 13 gradë Celsius. Era do të vijojë të fryjë mesatare deri e fortë me një shpejtësi 45 km në orë në drejtimin kryesisht verilindor çka do të shkaktojë dallgë 3-4 ballë në Adriatik dhe Jon.