Një bombol gazi që përdorej për ngrohje, është bërë shkak që të përfshihet nga zjarri një apartament.

Ngjarja ka ndodhur gjatë ditës së sotme në Kukës, ku në lagjen nr.5 në katin e katërt të një pallati, në banesën e marrë me qera nga shtetasit A.H.

Në vendngjarje mbërritën shërbimet e policisë dhe zjarrfikësja, ku është bë e mundur fikja e zjarrit. Si pasojë e zjarrit ka vetëm dëme materiale.

Nga verifikimet paraprake dyshohet se zjarri ka ardhur si pasojë e ngrohjes me bombol gazi, ku fillimisht kanë marrë flakë rrobat në njërën nga dhomat e banesës.

Grupi hetimor po punon për dokumentimin e plotë të ngjarjes.