Google bëri të ditur në një formular tremujor se ka shpenzuar një nivel rekord prej 21.2 milionë dollarë në lobimin e Qeverisë së Shteteve të Bashkuara në vitin 2018, duke kaluar rekordin e mëparshëm prej 18.22 milionë dollarë që preku në vitin 2012.

Në një formular drejt Kongresit, edhe Facebook tregoi se ka shpenzuar në nivelin më të lartë ndonjëherë në lobimin e qeverisë për 2018-ën, në 12.62 milionë dollarë.

Deputetët dhe rregullatorët në SHBA kanë caktuar rregulla më të ashpra të konkurrencës për të frenuar fuqinë e ofruesve të shërbimeve në internet si Google, Facebook dhe Amazon.

Sipas analistëve, shqetësimet më të mëdha të investitorëve të teknologjisë janë qasjet rregullatore në SHBA, Europë dhe Azi.

Microsoft shpenzoi 9.52 milionë dollarë në lobim për 2018-ën, niveli më i lartë që prej vitit 2013.

Apple shpenzoi 6.62 milionë dollarë, poshtë rekordit të vitit 2017. Google bëri të ditur se ndër temat që ka diskutuar me rregullatorët në tremujorin e katërt përfshihej; teknologjia e kërkimit, reforma tatimore ndërkombëtare dhe mbi drejtësinë.

Gjiganti i teknologjisë ka qenë vazhdimisht ndër shpenzuesit kryesorë në Washington, paralelisht me disa kompani të operimit kabllor, kontraktorë të mbrojtjes dhe firma të kujdesit shëndetësor.

Ekzekutivi i Google, Sundar Pichai, që dëshmoi në muajin Dhjetor përballë panelit të Shtëpisë së Përfaqësuesve në SHBA, ka thënë se kompania e mbështet idenë e legjislacionit të privatësisë kombëtare.

Facebook bëri të ditur se diskutimi i “integritetit të zgjedhjeve” me zyrtarët e sigurisë kombëtare, ka qenë një ndër fushat e lobimit për tremujorin e katërt.