Deputetja e Partisë Demokratike Albana Vokshi, ka lajmëruar, se nesër në Komisionin e Edukimit në Parlament do të ketë një seancë urgjente.

Sipas Vokshit, ministrja e Arsimit Besa Shahini është thirrur në Komision në orën 09:00 për të raportuar në lidhje me problematikën e arsimit të lartë dhe kërkesat e studentëve.

'Një tjetër seancë dëgjimore URGJENTE!

Nesër në ora 9.00, Ministrja e Arsimit Besa Shahini, është thirrur në Komisionin e Edukimit për të raportuar në lidhje me problematikën e arsimit të lartë dhe kërkesat e studentëve.

Mirëpres pyetjet, shqetësimet dhe sugjerimet tuaja për t'ia drejtuar Ministres Shahini', ka shkruar deputetja e PD.