Minatorët së bashku me disa anëtarë të sindikatës janë mbledhur sot në një protestë para godinës së kryeministrisë. Ata kanë kërcënuar me grevë urie nëse nuk do të merren në konsideratë kërkesat e tyre për miratimin e statusit.
Minatorët dhe sindikatat mbrojtëse i kanë lënë afat qeverisë deri me 22 shkurt. Sipas tyre, kërkesat e njëpasnjëshme për miratimin e statusit vijojnë të bien në vesh të shurdhër pasi nuk është bërë ende asgjë në këtë drejtim.
“Futemi në grevë urie po nuk u miratua statusi. Do të futemi në greve urie më datë 22 shkurt. Kemi 12 vjet që kërkojmë statusin”, u shprehën mes tjerash ata.
