Njëri prej të dënuarve më të pamposhtur, Njazi Bylykbashi, mbylli sytë në SHBA më 12 shkurt 2019. U varros para pak orësh në Lushnje.
Niazi Bylykbashi ka lindur në Pilur te Devollit (Bilisht) Korçë më 9 gusht 1933. Për shkak të qëndrimit të mbajtur gjatë Luftës së Dyte Botërore si dhe ekonomisë familjare fill pas mbarimit te luftës filluan ndjekjet dhe persekutimet për fisin Bylykbashi. Në këto rrethana dy vëllezërit Arif e Zenel Bylykbashi me nga një djalë arratisen për në Greqi ne vitin 1952. Këtu nisin vuajtjet, burgosjet dhe internimet pa fund per Niaziun dhe familjen e tij.
Komunistët i konfiskuan pasurinë, ndërsa detyruan të arratisen dy kryefamiljaret. Largimi ishte i detyruar pasi komunistet e burgosën Arifin. Pasi bëri 3 vite burg, Arifi me te vëllanë Zenelin largohen urgjentisht sepse e kuptuan se në Shqipëri vetëm burg dhe internim do të kishte për ta, ndaj vendosen te arratisen.
Me 3 korrik te vitit 1952 Niaziu arrestohet dhe dënohet 10 vjet duke u liruar në 27 nëntor 1959. Dënimin e vuajti ne tharjen e kënetës se Maliqit, kanalin e Vlashukut, ndërtimin e rezervuarit të Thanës, Shtyllas Fier, Zadrime, Bulqizë, Rinas, Sanatoriumin e Tiranës, Thumane, Sanxhak (Laç).
Niaziu arrestohet përsëri në 28 janar 1972 përsëri për agjitacion e propagandë dhe dënohet me 10 vjet burg duke e nisur në Spac. Ridënohet me rastin e revoltës së Spaçit me 13 vjet burgim.
8 vjet i vuajti ne burgun e Burrelt, 18 muaj në repartin nr.309 Ballsh, 2 vjet në repartin nr.318 Qafë Bari. U lirua më 25 dhjetor 1985. Vuajti 21 vjet e 4 muaj burgime.
