Shqipëria ka rënë pre e një sulmi kibernetik të paralajmëruar që në janar të këtij viti nga FireEye, një kompani publike kibernetike me seli në Milpitas të Kalifornisë, që siguron pajisje, softuerë dhe shërbime për të hetuar sulmet kibernetike, për tu mbrojtur kundër programeve të dëmshme.

Pas alarmit në 9 janar, Departamenti Amerikan i Sigurisë Kombëtare lëshoi një direktivë emergjente që urdhëroi të gjitha agjencitë federale civile të SHBA për të siguruar kredencialet e identifikimit për regjistrimet e tyre në Internet.

“Sulmi” konsistonte në modifikimin e adresave të faqeve të internetit për t’i sulmuar më pas ato.  Deri më sot, janë rreth 50 kompani dhe agjenci qeveritare në Lindjen e Mesme por edhe në Shqipëri e Qipro që janë sulmuar. Hakerët kanë arritur në këtë mënyrë të kenë në duar një pasuri të madhe të dhënash. Siç mësohet pjesë e sulmit në Shqipëri ka rënë portali i qeverisë e-Albania, SHISH dhe Policia e Shtetit. /G.F Opinion.al