Pas protestës së opozitës, zëvendësministri i propagandës së qeverisë “Rama”, Erion Veliaj, lëshoi thirrje tipike përçarëse antikombëtare, të ngjashme me ato të regjimit komunist. Veliaj aludoi se pjesëmarrësit në mitingje ishin të ardhur e nënkuptonte fshatin. Veliaj i cili vetë është 100% fshatar, madje i shkallës së tretë, e quan veten tiranas vetëm pse prindërit e tij lanë stanet dhe u vendosën si shërbëtorë të regjimit komunist në kryeqytet. Sikur të mos mjaftonin komentet në përsëritje të Veliaj, drejtoresha e tij e përgjithshme, e quajtura Julinda Dhame, u shpreh se do “pastronte plehrat e katunarëve”. Edhe kjo sigurisht pa lidhje me Tiranën, por ardhacake nga ata që sillte regjimi i Enverit për kastën e tij, është një prej zyrtareve më të korruptuara sipas KLSH-së në kohën kur drejtonte agjencinë e turizmit. Por të jesh i korruptuar, në qeverisjen e Rama-Veliajt është vlerë. E kësisoj, kjo ndodhet e punësuar në Bashkinë e Tiranës. I duket vetja se është nga Tirana. Kushedi çfarë i ka punuar buxhetit të bashkisë edhe atje, gjë që ngelet për raportet e radhës së KLSH-së. Se ajo pamja kur ndan supë me Veliaj është për spektral, për propagandë. Sa financa gllabërojnë këta që lëshojnë thirrje përçarëse e raciste, mund të iu ishte rritur mirëqenia kushedi sa banorëve.