Arrestohen 3 persona  dhe shpallet në kërkim një tjetër për vrasjen e Jurgen Kurtit, të riut biznesmen që u vra pranë sheshit 'Willson' në Tiranë. Policia bën me dije se janë arrestuar tre persona si bashkëpunëtorë për vrasjen: E. L., 21 vjeç, lindur në Athinë/Greqi dhe banues në Tiranë, A. B., 33 vjeç, lindur në Patos dhe baunes në Patos, Fier, si dhe O. Q., 22 vjeç, lindur në Fier dhe banues në Patos.

Ndërkaq policia nuk jep detaje për motivet e vrasjes për shkak se ngjarja është ende në hetim e sipër.

Jurgen Kurti mbeti i vdekur në vend si pasojë e breshërisë së plumbave më 18 mars, teksa po kthehej nga palestra në banesë. Mbi trupin e viktimës u gjetën disa plumba, ndërsa në vendngjarje 10 gëzhoja.