Një shpërthim i fuqishëm tritoli ka tronditur qytetin e Vlorës. Ngjarja është shënuar në orën 01.00 pas mesnate, në lagjen “28 Nëntori”.

Nga të dhënat e para të policisë mësohet se, tritoli është vendosur pranë një banese në këtë lagje, ndërsa fatmirësisht raportohet vetëm për dëme materiale.

Policia ka shkuar në vendngjarje dhe po heton për të zbardhur shkaqet e kësaj ngjarje.

NJOFTIMI I POLICISE

Më datë 30.03.2019, në lagjen “Rilindja” Vlorë, gjatë natës ka ndodhur një shpërthim dyshohet me lëndë eksplozive në oborrin e shtetasit F.O.

Si pasojë e shpërthimit nuk ka dëme në njerëz por vetëm dëme të vogla materiale.

Policia vijon hetimet për zbardhjen e ngjarjes dhe për identifikimin dhe kapjen e autorit/ëve.