AKU ka bllokuar në doganën e Morinës dy ngarkesa me kafe dhe qumësht pluhur.

Së pari, nga kontrolli i ushtruar në një ngarkesë me 375 kg "Kafe Espresso D-CAFFE", nisur nga Kosova për t’u tregtuar në Shqipëri, inspektorët e AKU-së gjatë kontrollit në kufi kanë konstatuar se produktit "Kafe Espresso D-CAFFE" i kishte mbetur afat përdorimi më pak se gjysma (1/2) e jetëgjatësisë dhe për rrjedhojë nuk plotësonte kërkesat ligjore për hyrjen në Shqipëridhe si e tillë nuk ishte e përshtatshme për konsum. 

AKU nuk lejoi futjen e këtyre produkteve në territorin e Republikës së Shqipërisë dhe ngarkesa me këtë produkt ushqimor u kthye në vendin e origjinës.

Së dyti, nga kontrolli mbi 21 600 kg qumësht pluhur nisur nga Serbia me qëllimin për t’u tregtuar në Shqipëri, inspektorët e AKU-së në kufi kanë konstatuar se importuesi “ITAL GEL” nuk është i licencuar për shitje me shumicë të ushqimeve me origjinë shtazore për konsum human. Në bazë të legjislacionit në fuqi, AKU mori marrën masa administrative të bllokimit të sasisë prej 21.6 ton qumësht pluhur me urdhëroi kthimin e produktit në vendin e origjinës.