Krimi ka mbërthyer keq Shqipërinë.
Ndërsa vrasjet terrorizojnë qytetarët, Sandër Lleshi dhe Tonin Vocaj e kanë mendjen tek terrorizimi i medias.
Në vetëm 2 ditë kanë ndodhur 5 vrasje, dy prej tyre atentate mafioze.
Nisi dje në mëngjes në Lushnje me ekzekutimin e bizmesnit Besim Hida, vazhdoi me masakrën në Dibër, ku viktimat edhe pse kishin kërkuar ndihmë në polici nuk kishin marrë asnjëherë zgjidhje dhe vazhdoi sot me ekzekutimin e një të riu, duke ia hedhur trupin në një arë.
E prej dy ditësh ka humbur pa gjurmë ministri Sandër Lleshi dhe drejtori i Krimeve të Rënda në Policinë e Shtetit, Tonin Vocaj.
Në vend që të merreshin me situatën e rëndë kriminale në vend, policia merret me terrorizimin e mediave ndërkohë që krimi po bën kërdinë dhe të ‘kërkuarit’ banojnë në një lagje apo pallat me drejtuesit më të lartë të Policisë së Shtetit.
