Personi që shihni në fotografi është Eri alias Anton Zefi, i gjetur i vrarë pasditen e djeshme në fshatin Zall Xhuxhë në Fan – Mirditë.

34-vjeçari u gjet i pajetë pasditen e djeshme një banor i zonës, i cili lajmëroi policinë për një trup të pajetë me shenja plumbash të gjetur në një kanal, në një zonë të pyllëzuar rreth 50 metra larg Rrugës së Kombit. Policia identifikoi viktimën si Eri Zefi, i martuar dhe babai i një fëmije. Me origjinë nga fshati Kimez i Pukës, ai jetonte në Durrës me familjen.

Policia ka shoqëruar disa persona në lidhje me ngjarjen, të cilët po merren në pyetje. Sipas burimeve, viktima dyshohet se është ekzekutuar në vendin ku është gjetur i vrarë, pikërisht në Zall Xhuxhe. Dyshohet të jetë marrë peng dhe të jetë vrare disa orë para se është gjetur i pajete nga një banor i zonës.

Vrasja për gjakmarrje është një nga pistat e mundshme të ekzekutimit të 34-vjeçarit. Eri Zefi është vëllai i Ndue Zefit, i arrestuar për vrasjen e 45-vjeçarit Martin Ndreca, në Durrës, në shkurt të këtij viti.

Ndreca u vra në lokal pas një sherri të nisur për shkaqe banale. Një ditë pas krimit, Ndue Zefi u vetëdorëzua në polici.