Vizitat e dy presidentëve shqiptar, Ilir Meta dhe kroat, Presidentja Kolinda Grabar-Kitarović kanë mnaifestuar bashkim të fortë rajonal, por edhe një lajm të ri, hapjen e shkollave në gjuhën shqipe në Kroaci.

Në qytetin Osijek dhe në rrethinën e tij funksionojnë shumë shkolla fillore në gjuhën shqipe. Janë këto vatra arsimore në të cilat ruhet identiteti kulturor dhe kombëtar i fëmijëve të bashkëkombësve tanë që jetojnë dhe punojnë atje.

Mirëpo së shpejti në këtë qytet, që paraqet qendër të prefekturës Baranjë-Osijekut, pritet të hapet edhe shkolla e mesme shqipe, që do të jetë shkolla e dytë e tillë në Kroaci, pas shkollës së mesme shqipe në Zarë. Është ky lajm i mirë për mijëra shqiptarë që jetojnë si në Osijek, poashtu edhe në prefekturën e Baranjës, vlerëson arsimtari i gjuhës shqipe në këtë prefekturë, Mendu Imeri.

Presidentja Kolinda Grabar-Kitarović është një grua e fortë në politikë si dhe një mike shumë e mirë e Shqipërisë. Ajo shquhet si një ndër liderët europiane me të guximshme dhe një politikane vizionare, jo vetëm për Kroacinë, por edhe për BE.

Presidentja Kolinda Grabar-Kitarović mund të jetë, me vonë, fare mirë një Presidente BE.

Duke iu kthyer rastit të shkollave shqipe Komuniteti shqiptar është në mesin e komuniteteve mjaft të respektuara dhe të pranuara zyrtarisht në Kroaci. Ky respekt është rezultat i sakrificës që kanë bërë shqiptarët në luftën për mbrojtjen e Kroacisë nga agresioni i armatës jugosllave dhe serbe në fillim të viteve të 90-ta të shekullit të kaluar.

Njëri ndër të shumë shqiptarët që i është bashkuar luftës kroate kundër agresionit serb, ka qenë gjeneral Esat Çollaku, epror ushtarak të ushtrinë kroate dhe gjeneral në Ushtrinë Çlirimtare të Kosovës. Aktualisht ai është kryetar i Bashkësisë Shqiptare në Kroaci.

Shqiptarët e Kroacisë janë të përfaqësuar politikisht në dy shkallët e pushtetit lokal, por edhe në Parlamentin kroat, përmes deputetes Ermina Lekaj- Përnaskaj. Në Kroaci jetojnë mbi 30 mijë shqiptarë, por numri real është diku 40 mijë, sepse një pjesë e tyre deklarohen si boshnjakë ose kroatë, shkruan edhe gazeta Lajm.

Bashkësia Shqiptare në këtë vend ka filluar aktivitete intensive që këta shqiptarë, që konsiderohen të jenë 7 mijë, të regjistrohen sërish si më parë dhe zyrtarisht t’i rikthehen trungut kombëtar.

Me sa duket vizita e presidentit Meta ka sjellë një nxitje të hapjes së shkollave shqipe në Kroaci.