Një 46-vjeçar i dha fund jetës në Tiranë duke u hedhur nga kati i gjashtë i një ndërtese. Policia thotë se ngjarja ndodhi rreth orës 12:30 në rrugën “Irfan Tomini”.

“Rreth orës 12:30 në rrugën “Irfan Tomini”, dyshohet se në kushte të rënduara psikologjike, është vetëhedhur nga kati i 6-të i banesës shtetasi R. K., 46 vjeç, ku si pasojë ka ndërruar jetë.

Grupi hetimor po vijon punën për sqarimin e rrethanave të ngjarjes”, thuhet në njoftimin e policisë.