Profesori Ervin Goci ishte një ndër personat e shoqëruar nga policia në protestën e Astirit. Ai rrëfeu momentet e tmerrit kur policia u hodhi gaz lotsjellës.
Deklaratën Goci e bëri në studion e emisionit “Tempora” në RTV Ora.
Goci: Nuk justifiokohet gazi lotsjellës në atë formë, në atë ambient të mbyllur, në atë mënyrë. Nuk ka protokoll në botë që ti të fusësh gazin aty. Ishim të mbytur. Ishte dhomë me gaz dhe unë kam nxjerrë kokën në një moment atje, ishim edhe me një grua dhe kemi nxjerrë kokën si minj. Si me qenë një maçok në një moment kam kapërcyer dhe kam dalë. Nuk e di si kam dalë. Isha komplet i humbur dhe këtë e kanë bërë këta sot.
