Përgjaken rrugët e Shqipërisë.
Vetëm gjatë ditëve të fundit janë shënuar disa aksidente të rënda, me pasojë humbjen e jetëve të disa të rinjve.
Të dhënat zyrtare konfirmojnë se numri i aksidenteve mbetet i lartë, me rreth 1136 të tillë në 9 mujorin e këtij viti.
Kundrejt të njëjtës periudhë të një viti më parë, ka një tkurrje të numrit të tyre me 12.8%, por shqetësues është numri i lartë i viktimave me 157 për këtë periudhë.
Ekspertët rendisin si shkaqet kryesore të aksidenteve përveç pakujdesisë së drejtuesve të mjetit, edhe rrugët problematike dhe mungesën e sinjalistikës.
Artur Sulçe, ekspert për sigurinë rrugore duke folur për A2 propozon hartimin e një strategjie konkrete për reduktimin e numrit të aksidenteve, gjë që aktualisht mungon./a2