Presidenti në largim i Këshillit Europian, Donald Tusk kritikoi sërish presidentin francez, Emmanuel Macron për veton ndaj Shqipërisë dhe Maqedonisë.

Tusk tha se vendimi i Macron minon vizionin që ka ai për një ‘Europë vërtet sovrane’.

“Nuk do ketë një Europë sovrane pa një Ballkan të qëndrueshëm të integruar me pjesën tjetër të kontinentit. Nuk duhet të jesh historian për ta kuptuar këtë”, tha ai.

Por një analizë nga Qendra për Studime Ndërkombëtare Ekonomike në Vjenë sjell një panoramë akoma më të zymtë.

Sipas tyre, BE është e detyruar të ndjekë një strategji të re për zgjerimin, duke lënë mënjanë anëtarësimin dhe duke vënë në vend të tij, integrimin. Analiza vë në dukje se perspektiva e zgjerimit në Ballkan do të jetë e largët dhe veçmas për Shqipërinë kjo do të jetë e pamundur.

Analiza thekson se: “zgjerimi, veçanërisht për një vend si Shqipëria, është i pamundur në vitet e ardhshme. Nëse po, BE duhet të mendojë më shumë për diçka të re që mund të krijohet për këto vende, do të thotë integrim, por jo anëtarësim i plotë”.