I ftuar në emisionin “Zonë e Lirë”, ku tema ishte “Unaza e Re/ A duhen bërë kurban njerëz për vepra publike?”, analisti Armand Shkullaku u shpreh se dhuna e policisë ndaj banorëve është e papranueshme pasi shteti nuk mund të jetë armik i qytetarit.

Ai shtoi se, ky projekt nuk po bëhet për të patur një “Unazë të Re”, por si një projekt korruptiv.
“Dhuna është e papranueshme, shteti nuk është armiku i qytetarit. Qytetari është ai që paguan shtetin. Si mund të ishte zgjidhja për këta njerëz? Shteti është i detyruar për banesë, në çdo konventë për të drejtat e njeriut. Ky problem nuk ka lindur për të pasur një 'Unazë të Re', por ka nisur si një projekt korruptiv. Kur të bëhet ajo Unazë, do dalë sa është sot”, u shpreh ndër të tjera Shkullaku.