Zëri i Amerikës: Nisma e Ramës duket se bie ndesh me kompetencat e Prokurorisë

Hënë, 25 November 2019 20:15

Në Shqipëri Kryeministri Edi Rama prezantoi pikat kryesore të një pakete të re ligjore që sips tij synon të godasë më fort krimin e organizuar. Paketa duket të jetë e ngjashme me atë antimafia, në fuqi prej shumë vitesh, duke e shtrirë dhe më tej rrezen e veprimit të saj, ndërsa i jep policisë, sipas një projekti që qarkullon në media, shumë kompetenca që rrezikojnë të bien ndesh me ato të Prokurorisë.

VOA

Kryeministri Rama e prezantoi nismën e paralajmëruar në një takim me drejtuesë të institucioneve dhe grupin e deputetëve të partisë socialiste. Në gati dy orë të fjalës së tij, në një skenë teatri, ku ai ishte folësi i vetëm, pjesa më e gjatë ishte më tepër e natyrës elektorale, një bilanc i qeverisë së tij në disa fusha, gjatë këtyre 6 viteve në pushtet.
 

Ndërsa 30 minutat e fundit, ju dedikuan asaj për të cilën ishte njoftuar takimi i sotëm, masave të reja kundër krimit të organizuar, në një kohë kur sipas tij, prokurorë e gjykatës, të cilët i ka cilësuar prej kohësh, pjesë të organizatës kriminale, “Kap Çfarë të Kapësh”, ose KÇK, po shfrytëzojnë periudhën para nënshtrimit ndaj vettingut duke u kthyer siç u shpreh më tej ai, në shërbëtorë, apo deri dhe tutorë të krimit të organizuar.

“Ne duhet të ndërhyjmë me një Ligj special kundër krimit të organizuar dhe terrorizmit dhe të gjithë normën e ligjit antimafia ta kalojmë në kurriz të subjekteve të këtij ligji, të tyre dhe familjarëve të tyre. Dhe gjithkush nga këta duhet të provojë përpara gjykatës që shtëpinë, makinën, biznesin i ka si rezultat i punës”, u shpreh kryeministri,

Masat e parashikuara do të jenë të tre kategorive, personale, që nga ndalimi i daljes nga vendi deri te kufizimi i lëvizjes në një territor të caktuar, masa pasurore, ato që lidhen me sekuestron preventive ndërsa barra e provës i takon të dyshuarit apo akuzuarit, dhe ato me karakter ekonomik, duke i përjashtuar nga e drejta për licencime apo përfitime nga fondet publike përmes kontratave apo koncesioneve.

Kryeministri kërkoi gjithashtu që të sqarohet me ligj dhe ndërhyrja e Këshillit të Prokurorisë apo të atij Gjyqësor për prokurorët apo gjyqtarët që kryejnë shkelje:

“Duhet sqaruar ligjërisht që Këshilli i Lartë i Prokurorisë dhe ai I Gjyqësorit, të marrin masë për pezullimin dhe inspektimin, lidhur me anëtarin përkatës të kësaj organizate kriminale, ndërkohë që deri në krijimin e institucionit dhe funksionimin e plotë të Inspektorit të Lartë të Drejtësisë, nëse ne nuk e bëjmë këtë, do të bëhet name në Shqipëri”.

Mbetet për t’u parë se si këto ndërhyrje janë përkthyer në formën e ligjit. Një projekt që po qarkullon në media tregon se nisma është e ngjashme me ligjin antimafia, madje e tejkalon atë në rrezen e veprimit. Policisë duket se i njihen kompetenca të gjëra edhe për aspekte delikate që lidhen me kufizimin e lirive të personave, e që duket se rrezikojnë të bien ndesh me ato të prokurorisë, apo të krijojnë struktura paralele dhe me institucionet që janë në ngritje e sipër.

Pikërisht sot, u emëruan 8 anëtarët e parë të Prokurorisë speciale kundër krimit të organizuar dhe korrupsionit, SPAK, e parë si shpresa e madhe në luftën ndaj këtyre dy fenomeneve që po e gërryejnë shoqërinë prej shumë vitesh. Ata pritet të nisin detyrën më datë 19 dhjetor kur është parashikuar të bëjnë dhe betimin tek Presidenti i Republikës.

Në emër të emergjencës, kryeministri njoftoi se nisma e tij do të miratohet si akt normative, gjë që do të thotë se do të hyjë menjëherë në fuqi, dhe më pas do t’i nënshtrohet vlerësimit nga ana e parlamentit, ndërsa shmanget një diskutim më i gjerë që do të përfshinte dhe aktorë të tjerë. Madje deputetët socialistë u paralajmëruan së në rast se nuk votojnë për këtë nismë do të përjashtohen nga grupi parlamentar.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Zyrtare/ Napoli shkarkon Ancelottin, “troket” Gatusso

Sport

Zyrtare/ Napoli shkarkon Ancelottin, “troket” Gatusso

Edhe pse arriti të kualifikojë Napolin duke fituar mbrëmjen e djeshme 4-0 ndaj Genk, klubi i Napolit ka vendosur të ndajë rrugët me teknikun italian. Në komunikatën e cila u shpërnda...

Horoskopi ditor, e mërkurë 11 dhjetor 2019

Horoskopi

Horoskopi ditor, e mërkurë 11 dhjetor 2019

Njihuni me parashikimin e astrologut italian Paolo Fox, për punën, shëndetin dhe ndjenjat, si do të ecë dita për të lindurit e çdo shenje. Dashi Qielli do të jetë mjaft i favorshëm...

Parashikimi i motit për sot, e mërkurë, 11 dhjetor 2019

Moti

Parashikimi i motit për sot, e mërkurë, 11 dhjetor 2019

Gadishulli i Ballkanit  është në ndikimin e qëndrës me presion të ulët atmosferik  të pozicionuar në detin Jon, e cila po kushtëzon në territorin e Shqipërisë dhe Kosovë kushte amtosferike...

Sondazh

Nothing found!

Sondazh

Nothing found!