Banorët e rrugës "Guto Nidoli" në lagjen 11 të kryeqytetit deklarojnë se bashkia po u shemb një pjesë të banesave të tyre për zgjerimin e rrugës. Ata thonë se bashkia po zgjeron rrugën me 11 metër, pa u konsultuar dhe pa marrë miratimin e tyre.

Një projekt i bashkisë së Tiranës ka parashikuar që në lagjen 11 në Kodër-Kamëz rruga të zgjerohet me 11 metra gjerësi.

Banorët e rrugës “Gusto Nidoli” në kryeqytet kundërshtojnë zgjerimin e rrugës pasi siç thonë ata zbatimi i projektit detyron prishjen e banesave të tyre.

Rruga prej 300 metrash ku banojnë 25 familje për herë të fundit ka pësuar ndryshime në vitin 1987, ndërsa banorët shprehen se Bashkia e Tiranës ka nisur punën pa u konsultuar me banorët paraprakisht.

"Kundër miratimit tonë është kjo, nuk pyesin këta fare. Ai vjen dhe thotë do të shemb këtë. Nuk duan t'ja dinë."

Projekti i ndërtimit të rrugës parashikon prishjen e avllive dhe disa prej ballkoneve të banesave.

Kjo banore banore e kësaj lagjeje kërkon zgjidhje nga Bashkia, pasi bashkëshorti i saj është i paralizuar dhe prishja e shkallëve të shtëpisë sipas këtij projekti është një mundim për të.

"Nuk është normale. Ai thotë do ti prish shkallët. Si do ta nxjerr unë? Çfarë duhet gjithë kjo rrugë?"

Banorët më tej akuzojnë Bashkinë e Tiranës për shpërdorim fondesh, pasi në harkun kohor të një muaji janë ndërruar dy herë shtyllat e ndriçimit.

"Para një muaji bashkia solli një firmë këtu dhe ndërroi të gjitha shtyllat. I pyeta, ore zotërinj e dini se do të bëhet njëfarë urbanizimi këtu, pse i vendosni kot?"

Qytetarët e Kodër-Kamzës pretendojnë se janë ankuar pranë Bashkisë, por nuk kanë marrë asnjë përgjigje për zgjidhjen e problematikës së tyre.