Presidenti Ilir Meta deklaroi sot në emisionin “Fakt” të gazetarit Çim Peka se pas tërmetit të gjithë duhet të mbështesin prokurorinë për të vënë para përgjegjësisë personat që lejuan ndërtimin e godinave të papranueshme.

“E rëndësishme për shtetin dhe për institucionet është që në çdo moment të jenë të gatshëm për të minimizuar pasojat. Duhet përmirësuar mekanizmi i përballimit të kësaj emergjence. Të gjithë duhet të mbështesim prokurorinë për të vënë para përgjegjësisë të gjithë ata që duhet të mbajnë përgjegjësi për lejimin e atyre ndërtime të papranueshme”,- tha kreu i shtetit.