Presidenti i Serbisë Aleksandër Vuçiç, pritet që të vizitojë Shqipërinë në datat 20 dhe 21 dhjetor. Lajmin e ka dhënë Presidenca e Serbisë, e cila nëpërmjet një njoftimi bën të ditur se kreu i shtetit do të zhvillojë një vizitë dyditore në vendin tonë.
Mësohet se Vuçiç do të takohet në Tiranë të premten me liderë të tjerë të vendeve të Ballkanit perëndimor, ndërkohë që pritet të zhvillohet takimi i radhës për Shengenin Ballkanik së bashku dhe me kryeministrin e Maqedonisë së Veriut, Zoran Zaev.
Konfirmimi i kësaj vizite vjen një ditë pasi katër partitë kryesore në Kosovë LVV, LDK, PDK dhe AAK i kërkuan Ramës të anulojë samititin e radhës të parashikuar për të shtunën në Durrës të quajtur ndryshe si Minishengeni Ballkanik.