Presidenti i vendit, Ilir Meta ka reaguar pas deklarates se bere vetem pak me pare nga Komisionerja e Lartë e Këshillit të Europës për të Drejtat e Njeriut, Dunja Mijatoviç, qe i cilësoi projektligjet e qeverisë në shkelje të standardeve Europiane të të drejtave të njeriut.
Me nje shenim ne faqen e tij ne FB, kreu i shtetit thekson se “Shqipëria nuk ka nevojë për rekorde të tjera negative ndërkombëtare” dhe ben apel te forte qe te degjohen “Shqetësimet e komunitetit të gazetarëve dhe të partnerëve me shumë vëmendje dhe përgjegjshmëri”.
Postimi i Metes
Shqipëria nuk ka nevojë për rekorde të tjera negative ndërkombëtare! Mjaft me nxitimin për t’i shtuar ato më tej!
Shqetësimet e komunitetit të gazetarëve dhe të partnerëve tanë duhet të dëgjohen me shumë vëmendje dhe përgjegjshmëri! Pa media të lirë dhe të pavarur, rruga e Shqipërisë drejt Bashkimit Europian është e pamundur!