Akuzoheshin për vjedhjen e mbi 100 shtëpive, por Gjykata e Kasacionit ka lënë të lirë dy shqiptarët të arrestuar në prill nga karabinierët për shkak të gabimeve procedurale.

Gjyqtari që ka firmosur masën e sigurisë arrest me burg nuk e kishte motivuar mjaftueshëm vendimin e tij.

Sipas akuzës, dy të hetuarit bënin pjesë e një bande prej gjashtë personash, pesë shqiptarë e një italian, të arrestuar në prill nga karabinierët, me akuzën e vjedhjes së mbi 100 banesave në fshatrat midis Astit, Torinos e Cuneos.

Për mbledhjen e provave kishin menduar vetë hajdutët. Ata e kishin zakon t’u bënin foto viktimave teksa ishin në gjumë, një lloj suveniri që vërtetonte vjedhjen.