Një aksident me vdekje ka ndodhur në aksin rrugor Fier –Lushnjë, pranë Kolonjës, në orën 3:25. Një 31-vjeçar me iniciale Z.H. nga Berati që drejtonte një Land Rover, ka dalë nga rruga pas përplasjes së fortë me mbrojtëset e rrugës, ndërkohë që kishte dhe një pasagjer, M.R.28 vjeç, edhe ai nga Berati.
Për pasojë, ka humbur jetën pasagjeri M.R., kurde drejtuesi i mjetit Z.H. ëhstë shtruar në spitalin e Traumës, i plagosur.
Policia njoftoi paraprakisht se: Sot rreth orës 3:25, në aksin rrugor Fier – Lushnje, në fshatin Kolonjë, shtetasi Z.H, 31 vjeç, banues në Berat, duke drejtuar automjetin tip Land Rover ka dalë nga rruga.
Si pasojë e daljes nga rruga ka ndërruar jetë pasagjeri, shtetasi M.R, 28 vjeç, banues në Berat dhe është dëmtuar drejtuesi i mjetit i cili ndodhet në Spitalin e Traumës Tiranë nën kujdesin e mjekëve.
Grupi hetimor po punon për zbardhjen e plotë të ngjarjes.