Siç edhe pritej, pushteti vendor i kontrolluar nga Partia Socialiste, ish Partia e Punës së Shqipërisë, po riciklon duke i nderua, gjithë figurat kriminale historike të saj. Ato po nderohen nga këshillat e bashkive e qarqeve, si dhe emrat e tyre po vendosen në rrugët kryesore të qyteteve. Së fundmi, nuk mund të rrinte pa bërë veprimin e radhës, Këshilli i Qarkut të Dibrës, i cili nderoi Haxhi Lleshin me titullin Nderi i Dibrës. Po cili ka qenë Haxhi Lleshi që u dashka marrë si model? I biri i ish agjentit me damkë jugosllav Halit Lleshi, i vrarë në vitin 1923, Haxhiu emigroi në Jugosllavi. Atje mbahej me paratë e shtetit jugosllav. U kthye në Shqipëri gjatë Luftës së Dytë Botërore, duke u bashkuar me komunistët. Në vitet 1944-1946 ka qenë ministër i Punëve të Brendshme. Haxhi Lleshi me arsim fillor ka qenë në vitet 1953-1982 president i Republikës Popullore Socialiste të Shqipërisë. Për çfarë mbahet mend? Kur u hetua në vitin 1993 për masakrën e Tivarit, i pranoi me kënaqësi krimet dhe tha se po të kishte mundësi të njëjtën gjë do të bënte. Për këto e tjera, Haxhi Lleshi u gjykua për gjenocid në moshë pleqërie. Tani për çfarë duhet të nderohet Haxhi Lleshi.

Ndodh kjo sepse Valentina Hysni Doda (Haliti) që është kryetare e Partisë Socialiste Dibër dhe njëkohësisht kryetare e Këshillit të Qarkut, ka kryer edhe qokën familjare. Babai i saj ka qenë mik i shokut Haxhi. Kështu u bë kjo punë.