Më poshtë janë disa prej ngjarjeve ndërkombëtare që tërhoqën vëmendjen botërore në vitin 2019, përgatitur nga Australian Associated Press:
-Një raketë kineze me një robot brenda u ul për herë të parë në anën më të largët të Hënës.
-Fotografët vërshuan në Kanada tek Ujëvarat e Niagarës pasi kishin ngrirë për herë të parë pas vitit 1948.
-Një digë u shemb në një qytet minatorësh në Brazil duke vrarë mbi 300 persona.
SHKURT
-Një militant islamik kamikaz vret 44 policë paraushtarakë në Kashmirin e kontrolluar nga India, duke ndezur tensionet mes këtij vendi dhe Pakistanit.
-Rami Malek fiton Oscar-in si aktori më i mirë në rolin e Freddy Mercury në Bohemian Rhapsody. Olivia Coleman fitoi si aktorja më e mirë për filmin ‘Favourite’. Filmi më i mirë shkoi për ‘Green Book’.
MARS
-Një avion Boeing 737 i Ethiopian Airlines u përplas në Addis Ababa, duke vrarë 157 personat në bord. Kjo bëri që avionët MAX 8 të mos ngrihen në fluturim në mbarë botën.
-Cikloni Iddai vret më shumë se 1 mijë persona në Mozambik, Zimbabve dhe Malavi.
-Një person hap zjarr në dy xhami në Christchurch të Zelandës së Re, duke vrarë 50 persona. Supremacisti i bardhë australian, Brent Tarrant u akuzua për vrasjet.
-Këshilltari special amerikan, Robert Mueller publikon raportin për ndërhyrjen ruse në zgjedhjet e vitit 2016 në SHBA. Raporti nuk gjen prova se Donald Trump ka kryer krim, por as nuk e liron nga përgjegjësia.
PRILL
-Themeluesi i WikiLeaks, Julian Assange arrestohet në ambasadën ekuadoriane në Londër pas ndërprerjes së papritur të azilit 7-vjeçar.
-Katedralja Notre Dame e Francës përfshihet nga flakët, të cilat shkatërrojnë pjesë të mëdha të këtij monumenti 850-vjeçar.
-Bombat në kisha dhe hotele në Sri Lanka vrasin 300 persona në ditën e Pashkëve.
MAJ
-Duka dhe Dukesha e Sussex-it mirëpresin një bebe të shëndetshme në Londër.
-Eksploratori amerikan, Victor Vescovo zhytet 11 km në Oqeanin Paqësor dhe zbulon aty një qese plastike.
QERSHOR
-Nisin protestat në Hong Kong. Mijëra njerëz kundërshtojnë një ligj për ekstradimin e të dyshuarve në Kinë.
-Donald Trump bëhet i pari president amerikan në detyrë që vë këmbë në Korenë e Veriut, ku u takua me Kim Jong-un për bisedimet e denuklearizimit.
KORRIK
-Boris Johnson fiton garën për kreun e Partisë Konservatore duke zëvendësuar Theresa May si kryeministre.
GUSHT
-Presidenti amerikan, Donald Trump shpreh interesin për të blerë ishullin e Groenlandës, por ata i thonë se nuk është në shitje.
-Zjarre të fuqishme përfshijnë pyllin më të madh tropikal në botë, atë të Amazonës.
SHTATOR
-Uragani Dorian godet Bahamasin, vret mbi 50 persona.
-Sulmet me dron godasin prodhimin e naftës në Arabinë Saudite. SHBA akuzon Iranin.
-Aktivistja adoleshente e klimës, Greta Thunberg u thotë liderëve botërorë në OKB se kanë dështuar për të luftuar ndryshimet klimatike.
TETOR
-Turqia nis ofensivën ndaj luftëtarëve kurdë në Siri, pasi SHBA tërheq trupat me urdhër të Donald Trump.
-Trupat e 39 emigrantëve vietnamezë gjenden brenda një kamioni pranë Londrës.
-Lideri në arrati i Shtetit Islamik, Abu Bakr al-Baghdadi vritet gjatë një sulmi të forcave speciale amerikane në Siri.
NENTOR
-Presidenti i Bolivisë, Evo Morales jep dorëheqjen pas disa javësh protesta. Sipas tij, bëhet fjalë për një grusht shteti.
-Princi Andrew në Angli mbron veten pas akuzave për abuzim seksual me vajza të mitura.
-Kryeministri i Izraelit, Benjamin Netanyahu akuzohet për korrupsion.
-Forcat pro-demokratike shënojnë një fitore të thellë në zgjedhjet për këshillat vendorë në Hong Kong.
-Një tërmet me magnitudë 6.4 ballë godet Shqipërinë, duke vrarë mbi 50 persona.
DHJETOR
-Shpërthen vullkani ‘White Island’ në Zelandën e Re, duke vrarë mbi një duzinë njerëzish.
-Konservatorët në Britani shënojnë një fitore të thellë në zgjedhje, Boris Johnson merr një mandat të fuqishëm për të çuar përpara Brexit-in.
-Dhoma e Përfaqësuesve në SHBA vendos të çojë në gjyq presidentin Donald Trump për abuzim me detyrën. Senati do të vendosë nëse do të ngrejë padi dhe nëse do e shkarkojë presidentin.
