Një zjarr ka rënë brenda një apartamenti në qytetin e Fushë-Krujës.

Mësohet se apartamenti i përfshirë nga flakët ndodhet në katin e dytë të një pallati në lagjen “Punëtori”.

Shkak i zjarr rënies dyshohet se është bërë një shkëndijë elektrike.

Gjithashtu mësohet se në apartament jetonin dy të moshuar Vojsava dhe Bilbil Hoxha. Banorët e lagjes në momentin që kanë parë flakë e tym që dilte nga apartamenti kanë ndërhyrë duke hapur derën me forcë, pasi çifti i të moshuarve ishin në gjumë dhe nuk e kishin ndjerë zjarrin. Ndërhyrja në kohë e fqinjëve që zgjoi të moshuarit duke i nxjerrë nga banesa i shpëtoi nga asfiksimi.

Ndërkohë shërbimi zjarrfikës kanë mbërritur menjëherë në vendngjarje dhe ka bërë të mundur shuarjen e flakëve.