Të shtëna me armë zjarri janë shënuar brenda ambjenteve të një lokali në lagjen “Kushtrimi” në Vlorë. Për pasojë kanë mbetur të plagosur dy persona, njëri prej të cilëve është 23-vjeç dhe mësohet se kanë lidhje me njëri-tjetrin.

Ngjarja ka ndodhur rreth orës 18:20 të pasdites. Të plagosurit janë dërguar me urgjencë drejt spitalit.

Ende nuk dihen motivet e kësaj ngjarje, ndërsa policia ka nisur hetimet për të zbuluar dhe arrestuar autorin që qëlloi me kallashnikov. Të shtënat me armë kanë shkaktuar panik dhe frikë te personat e tjerë që ndodheshin në lokal.