Një i ri nga Shqipëria humbi jetën pasi ra nga 40 metra lartësi në kompaninë “Sharrcem” në Kosovë.. Burimet thonë se 35-vjeçari po punonte brenda fabrikës “Sharrcem” në qytezën e Hanit të Elezit.
Rastin e ka konfirmuar edhe Policia e Kosovës. “Rreth orës 11:00 të së hënës, ka ndërruar jetë një 35 vjeçar nga Shqipëria i cili po punonte në “Sharrcem” në Hanin e Elezit. Ai ka rënë nga një lartësi prej 40 metrash ndërkohë është nxjerrë nga sillosi trupi i tij i pajetë. Policia e Kosovës jemi duke e hetuar rastin për këtë vdekje”, ka thënë për Kohën Ditore Agim Gashi zëdhënës i Policisë së Kosovës për rajonin e Ferizajt.
