Kapen 108 kilogramë marijuanë në kufirin greko-shqiptar.

Policia ka ndjekur një makinë në zonën e Kallpaqit në Kakavijë, mjet i cili shtoi shpejtësinë dhe u braktis nga shoferi, i cili është larguar në këmbë drejt kufirit të gjelbër duke përfituar nga errësira.

Brenda mjetit u gjetën dhe sekuestruan 66 pako me 70 kg 200 gram marijuanë.

U identifikua dhe u shpall në kërkim drejtuesi i mjetit, një 20-vjeçar shqiptar.

Gjithashtu është gjetur dhe vendi ku u ngarkua mjeti me droge, që rezultoi të jetë shtëpia e një 52-vjeçari grek në Konicë, pranë kufirit me Shqipërinë.

Policia ka shkruar tek shtëpia dhe gjatë kontrolleve janë gjetur dhe 23 pako me 37 kg 500 gram marijuanë si dhe 740,2 gram marijuanë në një vend tjetër në banesë.

Është vënë në pranga pronari i banesës, greku 52 vjeç.

Nga hetimet rezultoi se ky i fundit e ka marrë drogën në 20 janar në kufirin e gjelbër greko-shqiptar nga pjesëtarë të tjerë të grupit kriminal Shqipëri-Greqi.