8 shtetas me kombësi siriane, mes tyre edhe një fëmijë si dhe skafisti janë shpëtuar nga roja bregdetare.

Alarmi SOS u dha 10 milie larg Gjirit të Durrësit, pasi gomonia kishte pësuar një avari në motorr. Pas koordinimit dhe vlerësimit të  informacionit në ndihmë të gomones që rrezikohej, doli anija e Forcës Detare, mjete të Guardia di Financa dhe të policisë së Kufirit.

Pas një operacioni që zgjati rreth 1 orë, ata morën në bordin e anijes emigrantët  që rrezikonin të mbyteshin, ndërsa gomonia u rimorkiua drejt portit të Durrësit. 

Shtetasit sirianë si dhe skafisti në gjendje të mirë shëndetësore  u shoqëruan në ambjentet e drejtorisë se policisë së Kufirit. Ata do të mbahen të izoluar për shkelje të paligjshme të kufirit, ndërsa mbi skafistin pritet të rëndojë akuza e “trafikut të qennieve njerëzore”.

Policia dyshon se gomonia e cila si destinacion kishte Italinë është nisur nga brigjet shqiptare dhe se shtetasit sirian ishin futur me herët në vendin tonë.

SYRI TV sjell pamjet e skafit të çarë dhe të klandestinëve të terrorizuar.