Ngjarja ka ndodhur në fshatin Guri, në Ostren të Madh të Bulqizës, ku viktima kanë mbetur tre anëtarë të familjes Tola, nëna 40-vjeç, djali 22-vjeç dhe vajza 13-vjeç.
Ato janë gejtur në gjendje të rëndë dhe janë dërguar menjëherë në spital, por nuk kanë arritur të mbijetojnë.
Ndërkohë në gjendje të rëndë shëndetësore është dhe një pjestar tjetër i familjes i cili ndodhet në spital.
Grupi hetimor ka shkuar në vendngjarje dhe vijon hetimet për zbardhjen e saj.
Njoftimi i plotë i policisë:
Bulqizë / Informacion paraprak
Në Ostren, Bulqizë, është marrë informacion se në banesë janë gjetur pa shenja jete shtetasja R.T, rreth 40 vjeçe, dhe dy fëmijët e saj (vajza dhe djali), që dyshohet se janë helmuar nga bombola gazit.
Në gjendje të rëndë shëndetësore është dhe një pjestar tjetër i familjes ku po transportohet për në spital.
Grupi hetimor ka shkuar në vendngjarje dhe vijon hetimet për zbardhjen e ngjarjes.
